عشرة هانت على رخيص
لمّت سماح الأعمال كلها بقلب مقبوض وحطتها في شنطة سودة، وهي حاسة بقرف لا يوصف. وفيق كان قاعد مكسور، عينه تايهة وصداع رهيب بياكل في د ماغه، كأنه كان في غيبوبة وبدأ يفوق منها على كاب . وس.
أخده حماها وحماتها ومعاهم سماح، وراحوا لبيت الشيخ في وقت متأخر عشان محدش يشوفهم. أول ما دخلوا، الشيخ بص لوفيق وغمض عينه وقال بنبرة هادية الحمد لله إن الحق ظهر.. اللي كان معمول لك يا بني كان ربط وطاعة عمياء، وكان مدفون في أماكن حيوية في بيتك عشان يفضل مفعوله متجدد مع كل خطوة بتخطيها.
بدأ الشيخ جلسات الرقية، ووفيق كان جسمه بيتنفض وعرق بارد مغرقه، وصوته بيطلع مخنوق كأنه بيطرد حاجة من جواه. سماح كانت واقفة بعيد، مراقبة الموقف بمرارة، مش قادرة تنسى منظره وهو بيبكي تحت رجل هند، لكنها كانت مستمرة عشان ولادها.
بعد فترة، هدي وفيق تماماً، وبدأ لونه يرجع طبيعي ونظرة عينه بقت أهدى. الشيخ بص لوفيق وقال بصوت حازم
اسمعني يا وفيق.. السحر ده متجذر، وإحنا فكينا الأصول اللي في البيت، بس لسه فيه بقايا في د مك. أهم حاجة دلوقتي إنك ترجع تتعامل مع هند طبيعي جداً.. أوعى تحسسها إنك عرفت حاجة،
ولا إنك طلعت الأعمال.
وفيق اتنفض وقال بغل أنا مش طايق أشوف وشها يا فضيلة الشيخ! دي د مرت بيتي وذلتني، أنا عايز أطردها وأرمي وراها قلة!
رد الشيخ بصرامة لو عملت كدة دلوقتي، هتحس إن السحر اتفك وهتروح تجدده لك بحاجة أصعب، وممكن تعملك سحر انتقام ينهي حياتك. خليك طبيعي، اضحك في وشها، واديها اللي هي عايزاه بالتمثيل، لحد ما أخلص لك جلسات الفك تماماً وأحصنك، وساعتها الوقعة بتاعتها هتكون هي القاضية.
بص وفيق لسماح برجاء، كأنه بيعتذر بعينه، لكن سماح لفت وشها الناحية التانية وقالت بجمود
اسمع كلام الشيخ يا وفيق.. التمثيل ده هو اللي هيحمينا منها دلوقتي. أنا هفضل في شقتي، وأنت انزل لهند ومثل دور المسحور اللي لسه بيجري وراها.. بس المرة دي بمزاجك، مش غصب عنك.
رجعوا البيت، والجو كان مشحون. وفيق واقف قدام باب شقته، بيحاول يستجمع قوته عشان يلبس قناع الحب والذل تاني قدام هند، وهو من جواه عايز يطبق في زمارة رقبتها.
هند جت البيت تاني يوم الصبح، ودخلت لوفيق وهي واثقة إن سحرها لسه شغال.. وفيق هيضطر يمثل إنه لسه خاتم في صباعها وهيطلب منها عفوها ورضاها عشان تجيب له حاجة تشربها وهي فاكرة إنها بتجدد السحر، بس هو هيكون محصن.
