ولاد اختي التوأم

اختي توقيت وهي بتولد ولادها حاليا شباب لأنه كان توئم بنت وولد.. الولد في ٤ كليه هندسه… البنوته اكتفت بالثانوي من يوم وقاه اختي امي احىضنت الأطفال وكلنا انا واخواتي احىضننا الأطفال.. وبقو شباب حاليا.. إللى عاوز اقوله هو احنا من قريه وكلنا عارفين بعضنا كويس كعاده الريف الناس بتبقى عارفه بعضها

ابو العيال الي كان زوج اختي الله يرحمها بعد الوقاه اتجوز وشاف نفسه وعنده عياله من زوجته التانيه

إلى عاوز اقوله محاولش ييجي يشوف حال ابنه وبنته

ولا صرف عليهم ربع جنيه إلى وقتنا دا

ومفيش صله بين الشباب الولد والبنت وبينه نهائيا

وكانو بيقابلوه في الطريق أو صدفه يركبو معاه مواصلات ولا كأنه يعرفهم.. أنا بطبعي خالهم الكبير وبيشاوروني في أمورهم كلها وبعرفهم الصح من الغلط.. ودايما كنت اقولهم برده ابوكم واسمه في بطايقكم الشخصيه وانتم حاملين اسمه.. وقولت كدا بالحرف انا خالكم.. وانتم ولاد اختي وبسئلهم ناقصكم حاجه العيال يقومو يحىضنوني ويقولو ربنا ما يحىرمنا منك ياخال.. والكل في البيت عندنا مسخر لخدمه ولاد اختي وممنوع حد يزعلهم ولو بحرف مش بكلمه

المهم الولد كلمني على بنت اخويا التاني وقالي ياخال الموضوع في ايدك انا طالب فلانه بنت خالي قولتله وانا وابوها مش هنلاقي احسن منك هو في سنه رابعه هندسه لكن استعجلنا وقرينا فاتحه وشبكه علشان هو عاوز يقفل الباب لأن فيه ناس كتير بيتقدمو للبنت سبب الاستعجال كدا

والبنت موافقه والحمد لله ومتربيين سوا…..

ييجي دور بنت اختي الي اكتفت بالثانوي

الحمد لله انا واخواتي جهزناها جهاز محترم وجهاز يليق باخوالها وبها حاجه تشرف.. وهي حاليا لبىسه الشبكه ومقري فتحتها وزواجها أن شاء الله على العيد الكبير.. محلفانا كلنا ابوها ميتوكلهاش، وأنها هتوكلني انا وقالت كدا بالنص إلى رباني انا و اخويا وجهزنا هو أولى اني اوكله بعد ربنا في جوزتي.. وقالت باللفظ، وكلنا قاعدين يا احوالي تحىرمو عليا دنيا وآخره ابويا ميحضرش ولا حد منكم يدعيه ولا يتوكل ليا في حاجه ربنا يخليكم ليا يااخوالي وربنا يخلي ستي إلى ربتني انا واخويا.. قولتلها وانا بضحك يعني دلوقتي ستك إلى ربتك انتي واخوكي واخوالك الخمسه ملهمش لازمه عندك دلوقتي قالت انا مسواش حاجه من غير اخوالي وولاد هم وزوجاتهم ربنا يخليكم ليا ويخليكم لبعض

ايه رأي حضراتكم في النقاش دا

ملحوظه بعتنا لوالدهم في قرايه الفاتحه للبنت والولد عرفناه المعاد ومجاش، ولا سأل ولا قدر حتى لو جه كضيف كان هيبقه قدر ولاده.. لكن مجاش خالص.. علشان كدا البنت عاوزا كدا طلبها من اخوالها ومني انا بالذات اني اكون وكيلها