— طبعًا خافت وكلمتني.. و؟
— وأيه، انطق.. هددتها بإيه قلب كيانها؟
— …
ضربته بالقلم. صاحبي قالي:
— بالراحه يا عمر وهو هيقول كل حاجه.
— اضرب يا عمر.. الوجع دا أهون بكتير من وجع قلبي بسببك.
— أنا هقتلك يا كلب.. انطق هددتها بإيه؟
— قولتلها إني ليا صور عندي. لو موافقتش تسيبك وتطلق منك، هبعتلك الصور. وبعتلها صوره على الواتس، وكانت هتموت من الخوف لما اتأكدت.
— يا حقير يا ابن الكلب.. وجبت الصور دي منين؟
— أنا…
— قول جبتها منين!
— بطريقتي عرفت أوصل للي صور لكم فرحكم وعملكم السيشن، وعرفت اخد منه كام صوره ليها، وطبعًا عملتهم تعديل، على جسم، عشان تهددها.
— أنا اسف.. أنا حبي ليها هو اللي عماني.
— انت عارف إنها كانت هتموت بسببك، ودخلت في حالة اكتئاب حاد.. لا بتنطق ولا بتتكلم، وحالتها بتسوء يوم عن يوم بسببك.
— أنا مقصدتش إنه يحصلها كل دا.
— أنا هوديك في ستين داهيه انت والزفت اللي صورنا، ومش هرحمك.
سلمته للشرطه بعد ما قدمت فيه بلاغ بتهديد وابتزاز زوجتي وإصابتها بالمرض بسببه، وصديقي شهد معايا، وهو اعترف بكل حاجه.
رجعت لمراتي وقولتلها:
— أنا عرفت كل حاجه. متخافيش، طول ما أنا جنبك. أنا بحبك.. بس كان لازم من الأول تعرفيني، ومتخبيش عني حاجه زي دي. اتفقنا إننا هنعدي أي مشكله مع بعض.
عيونها دمعت وقالت بصعوبه:
— ب ح ب ك.
سر زوجتي
تمت
