يوم عيد ميلادة
ساعتها بس، ابتسمت من قلبي.. لإن الخطة كانت خلاص كملت.
يوم ميلاد رامي كان يوم سبت، وهو كان بيتعامل معاه كأنه عيد قومي. من يوم الأربعاء، بدأ يعمل جروب على الواتساب وضم فيه أهله وإخواته وقرايبه وشوية صحاب من اللي مبيصدقوا يلاقوا عزومة ببلاش. كنت قاعدة في الصالة وسامعه صوته وهو بيتباهى بيا قدامهم بقلم مني السيد
أمل هتعمل لكم صينية الرقاق المعتبرة، والمكرونة بالبشاميل، واللحمة المحمرة.. إنتوا عارفين نَفَسها في الأكل عامل ازاي!
كنت واقفة في الطرقة بلم الغسيل، وهو حتى مكلفش نفسه يوطي صوته. الكلمتين دول
عرفوني كل اللي محتاجة أعرفه؛ هو منسيش الكلمة اللي قالها لي، هو بس فاكر إن قوانينه دي بتمشي بمزاجه، وإن كلامه ملوش لزوم لما يحتاج مصلحته. في خياله، أنا لسه أمل اللي هتبلع الإهانة، وتتعب وتطبخ، عشان تلمّع صورته قدام الناس.
ليلتها، قعدت على تربيزة المطبخ ومعايا نوتة وكل فواتير السوبر ماركت بتاعة الشهرين اللي فاتوا متوفرة على روايات و اقتباسات كتبت بالورقة والقلم اللي دفعته من جيبي، واللي رامي دفعه، واللي راح لمصاريف البيت المشتركة. الأرقام كانت واضحة زي الشمس. علمت كمان على رسايل البنك والتحويلات اللي بينا. وبعدها، نقلت كل خضاري وأكلي في جنب واحد من التلاجة، ودرج واحد
في الفريزر، ورف واحد في الخزين. حتى إني اشتريت تلاجة صغيرة ميني بار وحطيتها في الغرفة التانية وشيلت فيها الباقي. كل حاجة كانت متنظمة وهادية، ومستحيل تتفهم غلط. متوفرة على روايات و اقتباسات..
يوم السبت الصبح، رامي صحي وهو في قمة سعادته ومنتشي بنفسه. صب القهوة وقال لي يوم كبير النهاردة.. أمي هتجيب
التورتة معاها، وإنتِ أكيد مرتبة موضوع الغدا، صح؟
رفعت عيني من على رغيف العيش اللي كنت باكله وقلت له ببرود لأ.
ضحك ضحكة قصيرة، فاكرني بهزر خلينا جد يا أمل.
قلت له أنا بتكلم منتهى الجد.
تعابير وشه اتغيرت في ثانية أمل، مش وقت نكد.
سألته نكد إيه؟ أنا ماشية على قاعدتك.. أنا بشتري
أكلي، وإنت بتشتري أكلك.
بص لي بذهول بس الموقف ده كان مختلف!
