منوعات

قصة كاملة بقلم أماني سيد

صرخت فيها

إيه يا بت هتنتحري وتلبسيني مصيبة ولا فاكرة إنك هتقدري ترفعيها عليا

بصتلي فجأة وضحكت ضحكة مرعبة خلت شعري يقف.. ضحكة مكسورة بس فيها قوة غريبة وقالت بصوت هادي زي القبور

لا يا ماما مش هقتلك.. ولا هقتل نفسي. أنا بس هقتل الحاجة اللي بتخليكي تكرهيني.. هقتل الشبه اللي بيني وبينك.

وقبل ما أتحرك خطوة واحدة كانت مشيت السكينة على وشها بطول خدها.. جرح عميق وغائر شق وشها نصين شق النسخة المصغرة مني اللي كانت بتستفزني. الدم غرق الدنيا وهي واقفة مكانها مابكتش مامرختش بالعكس كانت بتبتسم والدم نازل على شفايفها وقالت

ها لسه شبهك يا أمي لسه شايفة نفسك فيا

وقعت السكينة من إيدها وأنا لسه واقفة مكاني مذهولة.. لأول مرة أحس بالخوف منها ولأول مرة أحس إني فعلا كرهتها بس المرة دي عشان هي اللي هزمتني هي اللي اختارت تشوه نفسها عشان ماتكونش زيي.

وقفت أتفرج عليها والدم بيسيل من وشها ويغرق هدومها متهزتش.. بالعكس قربت

منها وبصيت للجرح بمنتهى القسوة وقلت ببرود يجمد الدم في العروق

شفتي إنك غبية حتى لما جيتي تنتقمي بوظتي الحاجة الوحيدة اللي كانت مخلياني طايقة أبص في وشك.. دلوقتي بقيتي مسخ لا حصلتي شبهي ولا حصلتي بني آدمة.

مسكتها من دراعها والدم بيطبع على إيدي وجرجرتها لحد الحمام وفتحت المية الساقعة ونزلت راسها تحتها وهي بتصرخ من وجع المية اللي بتدخل في الجـ,رح الغويط

صوتي.. صوتي كمان عشان الجيران يفتكروا إنك بتدلعي مش هوديكي مستشفى ومش هخلي حد يشوف القرف اللي عملتيه ده. هتفضلي كدة والجرح ده هيعلم وهيفضل أثر يعلمك إنك ولا حاجة.

طلعت من الحمام وقفلت عليها الباب بالمفتاح وسبتها تنز,ف وتتوجع في الضلمة. رحت الصالة لقيت السكينة لسه على الأرض شلتها غسلتها ببرود وكأني بغسل معلقة ورجعت قعدت على الكنبة أكمل كوباية الشاي اللي بردت.

إخواتها صحوا على صوت صريخها المكتوم الصغير جه وسألني بخوف

ماما هي بتصرخ ليه هي فين

أخدته بمنتهى الحنية وقلت له

مفيش يا حبيبي دي بس بتتدلع عشان مش عاوزة تعمل الشغل اللي وراها نام إنت وسيبك منها دي واحدة مريضة.

دخلت أنام وجسمي مرتاح بشكل غريب وكأني لما شفت وشها بيتشوه ارتحت من الضرة اللي كانت بتنافسني في مرايتي. طول الليل كنت سامعة خبطها الضعيف على باب الحمام ونفسها اللي بيتقطع بس قلبي كان زي الحجر. الصبح قمت فتحت لها الباب كانت نايمة على البلاط وشها وارم والدم ناشف على خدها ومخلي شكلها مرعب.

زقتها برجلي وقلت لها

ياللا يا مسخ قومي غطي وشك ده بملاية وقومي اطبخي لإخواتك.. مش معنى إنك شوهتي نفسك إن اللقمة اللي بتاكليها هتجيلك لحد عندك ببلاش.

بصتلي بعين واحدة مفتوحة بالعافية

مكنش فيها خوف.. كان فيها موت. قامت زي الزومبي غطت وشها بخرقة قديمة ووقفت قدام البوتاجاز وإيدها بتترعش وأنا واقفة وراها وبقول في سري أهو كدة التحدي انتهى.. كدة إنتي انطفيتي للأبد.

مر أسبوع على يوم الجرح والبيت بقى عبارة عن قبر شغال. هي بقت زي الخيال ماشية بخرقة مغطية نص وشها مابتنطقش مابتشتكيش بتنفذ الأوامر زي الآلة. وأنا أنا كنت مستمتعة بمنظرها وهي مكسورة كدة كنت بحس إني انتصرت على الشبه اللعين اللي كان بيطاردني.

في يوم كنت قاعدة بفطر مع ولادي التانيين وبضحك معاهم بمنتهى الرقة وهي واقفة بعيد بتمسح الخشب. فجأة الباب خبط.. كان جوزي راجع من مأمورية شغل طويلة. قلبي اتنفض مش خوفا عليها لأ خوفا على بريستيجه اللي ممكن يتأثر لو شاف المنظر ده.

دخل وشافها من ضهرها نادى عليها بحنية

وحشتيني يا بنتي تعالي سلمي عليا مخبية وشك ليه

هي اتسمرت مكانها وأنا قمت بسرعة وقفت قدامه وبقلب ميت قلت

سيبها يا حبيبي دي وقعت في المطبخ على وشها والسكينة

جرحتها جرح بسيط وهي مكسوفة عشان وشها ورم شوية.. ياللا يا بت ادخلي جوه مش عاوزين نكد.

لكنه مصمم زقني برقة وقرب منها شد الخرقة من على وشها.. الصرخة اللي طلعت منه هزت حيطان البيت. وقع من طوله على الكرسي وهو بيبص للمسخ اللي قدامه الجرح كان لسه لونه أزرق ومعلم بغرز مشوهة لأنها مخيطتش شكلها كان يقبض القلب.

إيه ده ده مش جرح وقعة! إيه اللي حصل لبنتي يا أماني

بصيت له ببرود وقلت وأنا بحط رجل على رجل

بنتك هي اللي عملت في نفسها كدة.. هي اللي مريضة وعاوزة تلفت النظر. وبدل ما تسألني أنا اسألها هي عملت كدة ليه في البيت اللي طافحة فيه الكوتة عشانها.

بص لها بدموع وقالها انطقي يا بنتي.. أمك عملت

فيكي كدة

رفعت عينيها في عيني وشفت فيهم لمعة غريبة لمعة انتقام مكنتش عامله حسابها. قربت من أبوها وبدل ما تشتكي وطت باست إيده وقالت بصوت هادي ومرعب

لا يا بابا.. ماما عندها حق. أنا استاهل أكتر من كدة.. أنا أصلا غلطة زي ما هي بتقولي دايما والجرح ده عشان أفكر نفسي كل يوم إني لازم أفضل تحت رجليها.

جوزي بصلي بنظرة رعب وكأنه لأول مرة يشوف الشيطان اللي عايش معاه. البنت لفت وبصتلي بابتسامة غريبة من ورا الجرح وقالت

محتاجة حاجة تانية يا ماما ولا أروح أكمل مسح الجزمة بتاعة حضرتك

حسيت ببرودة في جسمي كله.. البنت مكسرتش البنت اتحولت. وبدأت الخطة تتقلب عليا لأن نظرات جوزي اللي كانت كلها حب اتحولت لنفور وقرف وكأن الجرح اللي في وش بنته اتنقل لقلبه ناحيتي أنا.

الوضع اتقلب 180 درجة!

الجو في البيت بقى خانق وجوزي من يوم ما شاف وشها وهو مش طايق يبص في وشي وكأني أنا اللي مسكت السكينة وشوهتها بجد. البنت بقى عندها برود مرعب بقت بتنفذ كل إهانة ببتسامة باهتة بتستفزني أكتر من صريخها.

في يوم كنا قاعدين على الغدا ناديت عليها بصوت عالي

انزلي هاتيلي الشنطة من الأوضة يا زفتة ولا عجبك القعدة والراحة

قامت من غير ولا كلمة نزلت تحت رجلي وجابت الشنطة وبدل ما تديها لي فضلت ماسكاها وبصة في عيني بقوة.. نظرة خلت المعلقة تقع من إيدي. جوزي زعق

سيبيها يا أماني! البنت وشها لسه ملمش اتقي الله بقى!

ضحكت بسخرية وقلت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى