نفس اللفافات.
لكن المرة دي… كان في حاجة تانية.
ورقة صغيرة مطوية ومخبّية بين الفرش والكعب.
قلبه وقف لحظة.
فتح الورقة.
الخط كان خط منى… بس مهزوز.
“يا بوي… لو الجزمة وصلت لك، يبقى أنا عرفت أهرب الفلوس دي من غير ما حد ياخد باله. إوعى تقول لحد. إوعى تصرف منهم غير لما أجيلك. أنا في وىرطة… وجوزي مش زي ما كنت فاكرة.”
الورقة كانت مبلولة في حتة — يمكن دموع.
عم حسن حس الأرض بتلف.
“في ورطة” يعني إيه؟ مين بيطاردها؟ هي في حطر؟
كمل قراءة:
“لو حصل لي حاجة… الفلوس دي حقك. حق تعبك. أنا كنت شغالة بقالى سنتين في حاجة مش قانونية من غير ما أفهم الأول… ولما فهمت، حاولت أخرج. مش هيسيبوني بسهولة. لو تليفوني اتقفل، اعرف إنهم قريبين.”
الورقة وقعت من إيده.
عقله جاب صورة منى وهي صغيرة… ماسكة طرف جلابيته، خايفة من الكلاب في الشارع.
دلوقتي هي لوحدها في القاهرة… وسط ناس ما يعرفهمش.
جري على التليفون القديم.
اتصل.
“الرقم غير متاح.”
كررها.
“غير متاح.”
صوته انكىىىر وهو بيهمس: “ردي يا بنتي… ردي بس.”
في اللحظة دي… خبط على الباب.
خبط تقيل… مش خبط جار.
عم حسن تجمّد.
بص للجزمة المفتوحة قدامه.
الفلوس.
الورقة.
الخبط تكرر… أقوى.
وصوت غريب من برّه:
“عم حسن عبد الرحيم؟ معانا استفسار صغير.”
الذم نشف في عروقه.
هو ما قالش لحد. الجزمة لسه واصلة من شهرين.
يبقى إزاي؟
بسرعة، جمع اللفافات ورجعها جوّه الفردتين، حطهم في كيس رز فاضي، وزحفه تحت وابور الكيروسين.
مسح الأرض بكُم جلابيته.
راح يفتح الباب… بإيد بتترعىش.
اتنين واقفين.
بدل سودا.
نظرات ناشفة.
“حضرتك وصل لك طرد من القاهرة من فترة؟”
حاول يثبت صوته: “أيوه… جزمة لبىس.”
واحد فيهم ابتسم ابتسامة خفيفة… بس عينه ما بتضحكش.
“ينفع نشوفها؟”
قلبه كان بيخبط في صىدره كأنه عايز يهرب.
لو قال لأ… يشكوا. لو قال أيوه… هياخدوها. ولو أخدوها… منى انتهت.
في اللحظة دي… تليفونه رن.
رقم غريب.
بص للراجلين.
وبص للموبايل.
الرنة بتطول…
والقرار لازم يتاخد دلوقتي.
