فتاة في الثلاثينات
/زي ما بقول لحضرتك كده إحنا فرغنا الكاميرات كلها و اتفرجنا عليها اكتر من مرة وكان الوضع عادي جداً مفيش اي حاجة مريبة. لكن في حاجة لازم حضرتك تعرفها من الساعة تلاتة صباحا لحد تلاته ونص مش موجوده ليها أى أثر خالص.
/ازاي وضح لي؟؟
/يعني مقصوصة حضرتك .
/ودي ممكن تحصل عادي يعني غلطة في الكاميرا ولا ايه بالظبط ؟.
/لا حضرتك دي بتحصل بفعل فاعل بس ، يعني لازم يكون حد هو اللي عمل كده وقص اللقطة دي.
/طب شكراً ، لو احتجتك تاني هبلغك.
كده في حاجات كتير مش مظبوطة ومش راكبة علي بعضها وكل حاجة فيهم هي طريق غلط والواحد بقي واقف قدام طرق غلط كتير أوي بس ثانية واحدة الطرق الغلط دي كلها نهايتها عند عماد، الواد ده لازم ييجي واقعد اتكلم معاه علي رواقة بقي…
بعد ما تم إحضار عماد لمركز الشرطة جلس أمام الضابط حسن وهو تبدوا عليه الفرحة الغريبة والغير مفهومة..
/ايه ياعماد وشك فرحان كده ليه انت كسبت اليانصيب ولا حاجه ؟
/لا أبدا يا فندم ،بس من يومين وانا بقيت مشهور أوي وكل القنوات عايزة تعمل معايا لاقئات وبقيت حاسس إني نجم سيما ولا لاعب كرة مشهور..
/اه، طب ياسيدي مبروك ، بس مش ده اللي انا عايزك فيه انا عايزك في حاجة اهم ، إحنا راجعنا الكاميرات وشوفنا كل حاجة وكلامك طلع مظبوط يا عماد الله ينور عليك.
/مظبوط ازاي حضرتك وشفتوا كل حاجة إزاي ؟
/ايوه ياعم شوفنا كل حاجه ،بس مش عيب تضحك عليا ومتقوليش إن انت اللي قتـ,ـلت البنت.
/قـ,ـتلت مين حضرتك ، انت بتقول ايه أنا مقتـ,ـلتش حد
/ازاي ياجدع ده الكاميرا جيباك وانت بتقـ,ـتلها بس مش الكاميرا اللي انت قصيتها وقطعت منها نص ساعة كاملة اللي قتـ,ـلت فيها البت لا دي الكاميرا الي كانت في الحيطة التانية واضح انك نسيتها دي يا عمدة بس متخافش احنا منسيناش ..
/والله ما قتـ,ـلت حد يا بيه ده انا عبيط ولا يمكن اقـ,ـتل حد أبدا
/ يا عماد بقولك شفناك تقولي عبيط عيب عليك.
/شوفتوني ازاي بس وانا أصلا كنت….
/ ها ما تنطق كنت ايه.
/هفهم حضرتك كل حاجة دلوقتي بس اديني فرصة االجزء الثالث..
قصة.
#ضحكات_الامو..ات
/ طب احكي يا عماد واوعي تكدب عليا علشان ورينا هعلقك من رجليك لو كدبت علشان انا القضـ،ـية دي تعبتلي اعصابي ومش ناقص أي حوارات خالص.
2
/لا هحكي لحضرتك كل حاجة بالظبط . الساعة اتنين بالليل بتبقى الدنيا هاديه دايما ومفيش اي حاجه خالص علشان كده بستغل الوضع ده و بريح شوية على الكرسي قدام الشاشة، بعد ما صحيت على الساعه سته الصبح كده ببص في الكاميرات قدامي لقيت الجـ،ـ،ـثة مرمية على الأرض اترعبت ومكنتش عارف اعمل ايه و ركبى كانت بتخبط في بعض راجعت الكاميرات علشان افهم ايه اللي حصل وشفت شخص لابس اسود في اسود ولكنه شكله إنسان عادي بس كان لابس قناع ومغطي وشه وكان شايل الجـ،ـ،ـثة دي وحطها علي الأرض وابتدأ يخىلع عنها ملابسها كلها وسابها زي ما ولدتها أمها وبعدين ومد ايده ناحية وشها وسحب حاجة كده مقدرتش اشوف ايه هي مكانتش واضحة اوي في الكاميرا ولكنها والله اعلم تشبه القناع كده و بعدها اخرج كاميرا من شنطته وابتدا يصور الجـ،ـ،ـثة ومشي بكل هدوء ولا كأنه عمل حاجة خالص .
/وبعدين كمل ، جبت حكاية الوحش دي منين؟ انت بتتفرج على افلام كتير ولا ايه ؟
/ ولا افلام ولا حاجة حضرتك بس لما مكنتش عارف اعمل ايه اتصلت بمراتي لاني دائماً بشورها في كل حاجه بعملها . قولت يمكن يكون عندها حل علشان مروحش في داهية ويقولوا كان نايم وسايب شغله ويمكن اتحبس فيها.
