
التجاويف والأكياس اللي انت شايفها في المخ في الصورة اللي قدامك موجودة بالفعل داخل مخ شاب يقوم بتربية عدة كلاب في مزرعة ..
جه بسخونة و بتشنجات ونوبات صر*عية وعدم اتزان ..
والأغرب إن السبب يكون طفيلي مصدره كلب من الكلاب اللي مربيها …
الصورة دي لحالة نادرة ومثير.ة في جر.احة المخ والأعصاب وهي وجود عدة أكياس مائية داخل المخ (Multiple Intracranial Hydatid Cysts).
وسببه أحد الطفيليات التي درسناها في تالتة طب زماااااان اسمها اللاتيني إكينوكوكاس جرانيولوزيس Echinococcus granulosus .
لكن إزاي طفيلي صغير جدا يقدر يوصل للمخ ويعمل فيه الأكياس والفجوات والثقوب دي !!
تعالوا نحكي الحكاية من البداية
🐕 أولًا: الإصابة تبدأ بالكلب .
القصة بتبدأ لما أحد الكائنات المتطفلة اللي قلنا انه اسمه Echinococcus granulosus
1️⃣ الكلب بيصاب بالطفيلي لما يأكل أحشاء حيوان مصاب زي كبد أو رئة خروف فيها أكياس مائية من الطفيلي .
2️⃣ داخل أمعاء الكلب تتحول اليرقات بتاعة الطفيلي إلى ديدان بالغة صغيرة .. والديدان تنتج بويضات تخرج مع براز الكلب إلى البيئة المحيطة .
3️⃣ هنا تبدأ الخطورة على الإنسان لان ممكن تنتقل البويضات للإنسان عن طريق الأيدي الملوثة بعد التعامل مع الكلب أو فضلاته حتي لو انت كل يوم بتدي شاور للكلب
وممكن يحصل نقل عدوي عن طريق تناول خضروات غير مغسولة زي فجل او جرجير او ملوخية او طماطم .. فصديقنا الكلب لعب ونط وفط وحط .. فوقيهم فينقل البويضات من آثار برازه .. فانت بتاخد الخضار مش بتغسله كويس فبتبلع البويضات الملوثة من الكلب اللي كان من شوية عمال يتمطع ويلهو فوق زرعة الجرجير والفجل والبصل ..اللي انت اشتريتهم من الست اللي في الشارع ومغسلتهمش كويس .
طيب إزاي الطفيلي بيوصل للمخ؟
بعد انت ما بتبلع البويضات بتحصل سلسلة مثيرة من الأحداث
▪️ تفقس البويضات داخل الأمعاء وتخرج منها اليرقات (Oncospheres).
▪️ تخ*ترق اليرقات جدار الأمعاء وتدخل إلى الدورة الدموية
▪️ تنتقل غالبا إلى الكبد لانه هو أول حاجز دموي مهم
ثم الي الرئتين .. ثم الي المخ
▪️ داخل أنسجة المخ تبدأ اليرقة في تكوين كيس مائي (Hydatid Cyst) ينمو تدريجيا وببطء شديد وقد يصل ووممكن تلاقي عدد ٥ اكياس كل كيس في حجم اليوستفاندياية الصغيرة ومليانة مية فيه الطفيلي ..
وتضغط علي نسيج المخ وتسبب الاعراض زي اللي حصلت للشاب صر*ع وشل*ل وتر*نح
لان الأكياس دي المخ بيتعامل معاها كأنها أورام ضاغطة عليه
⚠️ الحالات دي أنا لما أتعامل معاها كجر*اح مخ واعصاب ..ببقي عاملها اعتبار اكثر من الأورام بكتير .. وبشتغل بتمهل وتؤده اكتر من الأورام بكتير .. لييييه بقي؟!
لأن التعامل مع الأكياس المائية يحتاج دقة شديدة فتم*زق الكيس أثناء استئصاله قد يؤدي إلى انتشار محتوياته وتكوين أكياس ثانوية بالإضافة إلى احتمالية حدوث تفاعل تحسسي شديد ..
يعني الكيس بيبقي جواه طفيليات صغيرة فانا لازم اطلعه زي ما هو بدون ما افتحه زي ما ظاهر في الصورة اللي في البوست وعليها الدبوس الاحمر وعاملة زي البالونة البيضة الصغيرة..
لان لو فتح مني الكيس اثناء العملية .. يبقي أنا زرعت في المخ بذور لعشرات من الأكياس اللي هتنبت مرة اخري والمريض مممن يفق*د حياته .
وعشان كده من أهم أهداف الج*راحة إخراج الكيس سليما دون تم*زقه قدر الإمكان.
سبحان الله العظيم طفيلي صغير لا يري اصلا بالعين المجردة قد يبدأ رحلته من أمعاء كلب وينتهي بتكوين أكياس داخل مخ الإنسان ترهقه ايما إرهاق
.
وكمان تح*ريم تربية الكلاب داخل المنزل ولمسها لم يأت عبثااا
.
د/أسامة غراب
استشاري ودكتوراة جراحة المخ والأعصاب والعمود الفقري




